વેધર એલર્ટ: ચોમાસું આગળ વધે છે….થઇ જાવ તૈયાર…અબ કી બાર ધોધમાર વરસાદ……..

દેશના ઘણા રાજ્યોમાં ચોમાસાનું આગમન થઈ ગયું છે, જો કે ઉત્તર ભારતના ઘણા રાજ્યો હજુ પણ આકરી ગરમીની લપેટમાં છે. હવામાન વિભાગે ચેતવણી આપી છે કે બિહાર અને ઉત્તર પ્રદેશમાં આગામી ત્રણ-ચાર દિવસ સુધી ભારે ગરમી યથાવત રહેશે.

આગામી પાંચ દિવસમાં જમ્મુ ડિવિઝન, પંજાબ, હિમાચલ પ્રદેશ, હરિયાણા, ચંદીગઢ, દિલ્હી, રાજસ્થાન, ઝારખંડ અને ઓડિશાના કેટલાક વિસ્તારોમાં ગરમ પવન ફૂંકાવાની શક્યતા છે.

તે જ સમયે, આગામી બે દિવસમાં ઉત્તર અરબી સમુદ્ર, ગુજરાત અને મહારાષ્ટ્રના મોટાભાગના વિસ્તારોમાં દક્ષિણ-પશ્ચિમ ચોમાસા આગળ વધવા માટે સ્થિતિ અનુકૂળ છે. હવામાન વિભાગે આગામી ચાર-પાંચ દિવસ સુધી કોંકણ, ગોવા, મધ્ય મહારાષ્ટ્ર અને કર્ણાટકમાં ભારે વરસાદ, તોફાન અને વીજળી પડવા માટે ઓરેન્જ એલર્ટ જાહેર કર્યું છે. દક્ષિણ ભારતના મોટા ભાગના ભાગોમાં આવી જ સ્થિતિ પ્રવર્તે તેવી શક્યતા છે. ઉત્તર-પૂર્વીય ક્ષેત્ર, પશ્ચિમ બંગાળ અને સિક્કિમમાં હળવાથી મધ્યમ વરસાદની આગાહી કરવામાં આવી છે.

હવામાન વિભાગે ગોવા, મહારાષ્ટ્ર અને કર્ણાટકના કેટલાક ભાગોમાં ભારે વરસાદની સંભાવના વ્યક્ત કરી છે. તેને જોતા વિભાગે રેડ એલર્ટ જાહેર કર્યું છે. ઘણા રાજ્યોના હવામાનમાં પણ બદલાવ જોવા મળી શકે છે.

 હવામાન વિભાગે આગામી 3 થી 4 દિવસમાં કર્ણાટક, કેરળ, લક્ષદ્વીપ અને આંધ્રપ્રદેશમાં વીજળીના કડાકા અને તેજ પવન સાથે હળવા વરસાદની આગાહી કરી છે. આગામી 4 દિવસ દરમિયાન ઉત્તર પશ્ચિમ અને મધ્ય ભારતમાં મહત્તમ તાપમાનમાં 2 થી 3 ડિગ્રી સેલ્સિયસનો વધારો થવાની ધારણા છે.