સુખ-સુવિધાઃ મુંબઇ જતી વંદે ભારત ટ્રેનની સ્પીડ વધશે, અડધો કલાક બચશે…હરો..ફરો..

વંદે ભારત ટ્રેન માટે એક ખૂબ જ મહત્વપૂર્ણ સમાચાર છે. વંદે ભારત એક્સપ્રેસની ઝડપ વધશે. વંદે ભારત એક્સપ્રેસ મુંબઈથી ગાંધીનગર સુધી સ્પીડથી દોડશે. આનાથી મુસાફરીનો સમય 25 થી 30 મિનિટ ઘટશે. બીજી વંદે ભારત ટ્રેન પણ મુંબઈથી શરૂ થવાની શક્યતા છે. હાલમાં વંદે ભારત એક્સપ્રેસ દેશભરમાં 82 જગ્યાએથી શરૂ થઈ છે. અનેક શહેરોમાંથી આ ટ્રેનો શરૂ કરવાની માગ ઉઠી છે. આ વર્ષના અંત સુધીમાં 200થી વધુ ટ્રેનો શરૂ થવાની આશા છે.

માર્ચ 2024થી મુંબઈ અને ગાંધીનગર વચ્ચે મુસાફરીનો સમય ઘટવાનો છે. કારણ કે પશ્ચિમ રેલવે ઈન્ફ્રાસ્ટ્રક્ચર અને એન્જિનિયરિંગમાં સુધારો કરી રહી છે. તે સુધારાઓનો અંતિમ તબક્કો આવી ગયો છે. આ તબક્કો પૂરો થયા બાદ ટ્રેનને 160 કિલોમીટર પ્રતિ કલાકની ઝડપે દોડવાની મંજૂરી આપવામાં આવશે. હાલમાં આ ટ્રેન 110 કિલોમીટર પ્રતિ કલાકની ઝડપે દોડી રહી છે. પરંતુ ટૂંક સમયમાં વંદે ભારત અને શતાબ્દી ટ્રેન 160 કિમી પ્રતિ કલાકની ઝડપે દોડશે.

હાલમાં મુંબઈ-અમદાવાદ રૂટ પર વંદે ભારત ટ્રેન લગભગ 5.15 કલાક અને શતાબ્દી ટ્રેન 6.35 કલાક લે છે. હાલમાં વંદે ભારત વિરાર અને ચર્ચગેટ વચ્ચે 100-110 કિમી પ્રતિ કલાકની ઝડપે દોડે છે. આ ટ્રેનની સ્પીડ 160 કિમી સુધી પહોંચી ગયા બાદ 30 મિનિટ સમય બચી જશે.