ક્રાઇમઃ ઇડરના નેત્રામલીની સીમમાં યુવકની લાશ મળતા ચકચાર…હત્યા-આત્મહત્યા..?

સાબરકાંઠામાં ઈડરના નેત્રામલી ગામની સીમમાં એક અજાણ્યા યુવકની લાશ મળતાં ચકચાર મચી ગઇ હતી.

વિગતે જોઇએ તો, ઇડરના નેત્રામલીથી નાના કોટડા તરફ જવાના રસ્તે રસ્તાની બાજુમાં કોઇ અજાણ્યા યુવકની લાશ મળતાં લોકોના ટોળે ટોળા ઉમટ્યા હતા અને તરેહ તરેહની ચર્ચાઓ શરૂ થઇ હતી. …

જો કે, સુત્રો દ્વારા જાણવા મળ્યા મુજબ  જેની લાશ મળી આવી છે એ યુવક નેત્રામલી ગામનો હોવાનું જાણવા મળી રહ્યું છે. સ્થાનિક સરપંચ સહિત ગ્રામજનો તરત જ ઘટના સ્થળે પહોંચી ગયા હતા અને  ઈડર પોલીસને જાણ કરી હતી..

ઈડર પોલીસે ઘટના સ્થળે પહોંચી લાશનો કબ્જો લઇને પીએમ માટે મોકલીને વધુ તપાસ હાથ ધરી છે..જો કે યુવકની હત્યા કરી હોવાની આશંકા વ્યક્ત કરાઈ રહી છે..