ઓનર કિલીંગઃ બિહારમાં એક હ્ર્દયદ્રાવક ઘટના: દીકરીની હત્યા કરી લાશ ફેંકી દેધી….

બિહારમાં થોડા દિવસ અગાઉ એક હ્ર્દયદ્રાવક ઘટના બની હતી. જેમાં 27 એપ્રિલના રોજ ગંડક નદીના સત્રઘાટ પુલ નીચે એક અજાણી કોથળી પડેલી મળી આવી હતી, જેમાં યુવતીનો મૃતદેહ મળી આવ્યો હતો. કોથળી ખોલતા મૃતદેહના હાથ-પગ બાંધેલા જોવા મળ્યા હતા. ત્યારબાદ સંબધિત મામલે જિલ્લાના કેસરિયા પોલીસ સ્ટેશનમાં ગુનો નોંધાયો હતો. .

પોલીસે તપાસ કરી તો ખબર પડી કે આ હત્યા પ્રેમ પ્રકરણના કારણે થઈ છે અને પછી તેમણે ઓનર કિલિંગનો કેસ નોંધીને ત્રણેય આરોપીઓની ધરપકડ કરી છે. આ કેસમાં વધુમાં કાર્યવાહી કરીને પોલીસે મૃતકના પિતા, ભાઈ અને સાળાની ધરપકડ કરી છે. હાલમાં પોલીસ પોસ્ટ મોર્ટમ રિપોર્ટની રાહ જોઈ રહી છે.

સબ-ડિવિઝન પોલીસ અધિકારી સત્યેન્દ્ર કુમાર સિંહે જણાવ્યું કે મૃતકની ઓળખ 22 વર્ષીય કાજલ કુમારી તરીકે થઈ છે.આરોપીઓના નામ પ્રભુવન દાસ, ચંદ્રમોહન ઉર્ફે અજય નિવાસી સુબૈયા અને આશુતોષ કુમાર ઉર્ફે મુનિક નિવાસી સાહેબગંજ મુઝફ્ફરપુર છે.

પ્રભુવન પિતા છે અને ચંદ્રમોહન ભાઈ છે. આશુતોષ જીજા છે. ત્રણેય પાસેથી 5 મોબાઈલ ફોન પણ મળી આવ્યા છે, જેનો ઉપયોગ તેઓએ છુપાવવા માટે કર્યો હતો.આરોપીઓને પકડવા માટે ખાસ ટીમ બનાવવામાં આવી હતી.આરોપીઓએ પૂછપરછ દરમિયાન જણાવ્યું કે કાજલે આત્મહત્યા કરી હતી, જેના કારણે તેઓ ડરી ગયા હતા. જેથી તેઓએ તેની લાશને બોરીમાં ભરીને ઘરથી દૂર સત્રાઘાટ પુલ નીચે ફેંકી દીધી હતી.કાજલ કોઈ છોકરા સાથે ભાગી ગઈ હતી. 

ત્યારબાદ તેના લગ્નજીવનમાં મુશ્કેલીઓ આવતી હતી અને ઘરમાં રોજેરોજ તકલીફ પડતી હતી. જેના કારણે તેણે ગળેફાંસો ખાઈ આપઘાત કરી લીધો હતો.પોલીસ અધિકારી સત્યેન્દ્રએ જણાવ્યું કે પૂછપરછ દરમિયાન આરોપીએ કાજલના પ્રેમ સંબંધનો ખુલાસો કર્યો હતો.

આરોપીએ જણાવ્યું કે કાજલ તેના પ્રેમી સાથે 17 માર્ચે ભાગી ગઈ હતી. પ્રભુવને કેસરીયા પોલીસ સ્ટેશનમાં લેખિત ફરિયાદ આપી ગુમ થયાની ફરિયાદ નોંધાવી હતી. કેસરિયા પોલીસ સ્ટેશને 24 એપ્રિલે કાજલને તેના પ્રેમી સાથે પકડી હતી. કલમ 164 હેઠળ કોર્ટમાં તેનું નિવેદન નોંધવામાં આવ્યું હતું અને તેને તેના પરિવારને સોંપવામાં આવી હતી .