જાહેરાતઃ દિલ થામ કે બૈઠો….ક્યોંકિ ઘોષિત હોને જા રહે હૈ દેશ કે ચુનાવ….

ટૂંક સમયમાં જ લોકસભાની ચૂંટણી શરૂ થવા જઈ રહી છે. ત્યારે 16 માર્ચ શનિવારના રોજ ચૂંટણી પંચ દ્વારા પ્રેસ કોન્ફરન્સનું આયોજન કરવામાં આવનાર છે. મળતી માહિતી મુજબ, ચૂંટણી પંચ દ્વારા આવતીકાલે એટલે કે શનિવાર, 16 માર્ચે બપોરે 3 વાગે સામાન્ય ચૂંટણી 2024 અને કેટલીક રાજ્યોની વિધાનસભાઓના કાર્યક્રમની જાહેરાત કરવા માટે એક પ્રેસ કોન્ફરન્સનું આયોજન કરવામાં આવશે. તે ECI ના સોશિયલ મીડિયા પ્લેટફોર્મ પર લાઈવ સ્ટ્રીમ કરવામાં આવશે.

ચૂંટણી પંચ શનિવારે લોકસભા ચૂંટણી 2024 અને કેટલાક રાજ્યોની વિધાનસભાની ચૂંટણીના કાર્યક્રમની જાહેરાત કરશે. આ માટે ચૂંટણી પંચે બપોરે 3 વાગ્યે પ્રેસ કોન્ફરન્સ બોલાવી છે. સૂત્રોના જણાવ્યા અનુસાર ચૂંટણી પંચની આજની બેઠક દરમિયાન સંવેદનશીલ વિસ્તારો અને રાજ્યોમાં ચૂંટણી નિષ્પક્ષ, શાંતિપૂર્ણ અને વધુ સારી રીતે કરાવવા માટે કેટલું બળ તૈનાત કરવું તે અંગે ચર્ચા કરવામાં આવી હતી.

આ ઉપરાંત, કેટલા તબક્કામાં ચૂંટણી યોજી શકાય અને કયા રાજ્યોમાં ચૂંટણી પહેલા યોજવામાં આવે અને કયા રાજ્યોમાં ચૂંટણી પછી યોજવામાં આવે, જેવા વિવિધ પાસાઓ પર ચર્ચા કરવામાં આવી છે. બંને નવા ચૂંટણી કમિશનરને પણ સમગ્ર ચૂંટણી પ્રક્રિયાની માહિતી આપવામાં આવી છે. આજે જ નવા ચૂંટણી કમિશનર સુખબીર સંધુ અને જ્ઞાનેશ કુમારે ચાર્જ સંભાળી લીધો છે.

2019માં લોકસભાની ચૂંટણી સાત તબક્કામાં યોજાઈ હતી. ગત વખતે ચૂંટણી પંચે 10 માર્ચે તારીખોની જાહેરાત કરી હતી. પ્રથમ તબક્કાનું મતદાન 11 એપ્રિલે અને છેલ્લા તબક્કાનું મતદાન 19 મેના રોજ થયું હતું. પરિણામ 23 મેના રોજ આવ્યું હતું. તે ચૂંટણી સમયે દેશમાં 91 કરોડથી વધુ મતદારો હતા, જેમાંથી 67 ટકા લોકોએ મતદાન કર્યું હતું.

2019ની લોકસભા ચૂંટણીમાં ભાજપે 2014ની સરખામણીમાં મોટી જીત હાંસલ કરી હતી. 2014માં ભાજપે 282 સીટો જીતી હતી જ્યારે 2019માં 303 સીટો પર જીત મેળવી હતી. જ્યારે NDAને 353 બેઠકો મળી હતી. બીજેપીને 37.7% થી વધુ વોટ મળ્યા હતા, જ્યારે NDA ને 45% વોટ મળ્યા હતા. કોંગ્રેસ માત્ર 52 સીટો જીતી શકી હતી.