ગાડુગામઃ ગૌચર જમીનમાં દબાણ….ત્રીજી નોટિસ ફટકારાઇ…દબાણ દૂર નહીં કરે તો…..

ખેડબ્રહ્મા તાલુકાના શ્યામ નગર ગાડુ ગ્રામ પંચાયતમાં સરકારી ગૌચર જમીનમાં દબાણ કરનારને સત્તાવાળાઓ દ્વારા આખરી નોટિસ આપવામાં આવી છે. શ્યામનગર બસ સ્ટેન્ડ પાછળ સરકારી જમીનમાં દબાણ કરાતા  ગ્રામપંચાયત દ્વારા નોટિસ અપાઇ છે.અને ચર્ચા એ છે કે શ્યામ નગર રોડ ઉપર સરકારી દબાણમાં કેટલી દુકાનો હશે…..એટલુ જ નહીં પણ સરકારની ગૌચર જમીન અને ખરાબા માંથી બીજાઓ એ કરેલુ બધું બાંધકામ તૂટશે કે નહીં…?

વિગતે જોઇએ તો, ખેડબ્રહ્મા તાલુકાના ઈડર હાઇવે પર આવેલ શ્યામનગર બસ સ્ટેન્ડની પાછળ સરકારશ્રીની માલિકીની ગૌચર હેડે આવેલ જમીન સર્વે નંબર 274માં ગાડુ ગામના વણઝારા દિનેશભાઈ ભીખાભાઈએ પંચાયતની રજા ચિઠ્ઠી કે અન્ય કોઈપણ જાતની મંજૂરી લીધા વિના બિન-અધિકૃત રીતે આરસીસી બાંધકામ કરી ગ્રામ પંચાયત કાયદાનું ઉલ્લંઘન કર્યું છે.

તેમણે  બિનઅધિકૃત દબાણ કરતા તેમને બે વાર નોટિસ આપવા છતાં દબાણ દૂર કર્યું નથી. હવે ત્રીજી વારની નોટિસ અપાતા જો આ દબાણ જાતે દૂર નહીં કરે તો પંચાયત ધારાની કલમ ૧૦૫/૧ મુજબ દબાણ કર્તાના ખર્ચે તથા જોખમે દૂર કરવા માટે જાણ કરાયેલ છે.