ગેરંટીઃ મોદીજીની સલાહથી સરકારી કંપનીઓમાં રોકાણ કરનારાઓ થયા માલામાલ….
ગેરંટીઃ મોદીજીની સલાહથી સરકારી કંપનીઓમાં રોકાણ કરનારાઓ થયા માલામાલ....
આજથી લગભગ 6 મહિના પહેલા વડાપ્રધાન નરેન્દ્ર મોદીએ સંસદમાં લગભગ 2 કલાક અને 13 મિનિટનું લાંબુ ભાષણ આપ્યું હતું. આ ભાષણમાં તેમણે શેરબજારમાં રોકાણ કરનારા લોકોને સરકારી શેરમાં રોકાણ કરવાની સલાહ આપી હતી. શું આને પીએમ મોદીની ગેરંટી કહી શકાય ? કારણ કે સરકારી શેરના આંકડા પણ આવુ જ કઈક બોલી રહ્યા છે.
છેલ્લા 6 મહિનાના રેકોર્ડ પર નજર કરતાં માલૂમ પડે છે કે સરકારી શેરમાં ઝડપી વધારો થયો છે. આવા શેરોએ જબરદસ્ત વળતર આપ્યું છે જેના વિશે કોઈ પૂછતા પણ નહોતા. પીએમ મોદીએ એમ પણ કહ્યું હતું કે લોકો કહે છે જે સરકારી કંપની બંધ થઈ જશે. તમે તેમાં રોકાણ કરવાનું શરૂ કરો. તમે માલામાલ થઈ જશો. PM એ વિપક્ષને ઘેરતા કહ્યું કે તમે સરકારી શેરો પર વિપક્ષ સવાલ ઉઠાવે છે તેમાં તમે રોકાણ કરવાનું શરૂ કરો.
પીએમ મોદીએ તેમના લાંબા ભાષણમાં જે સરકારી કંપનીઓના નામ લીધા હતા. તેમાં દેશની સૌથી મોટી વીમા કંપનીઓ LIC અને HAL સામેલ હતી. હવે અમે તમને બતાવીએ કે છેલ્લા 6 મહિનામાં આ બે સરકારી શેરનું શું થયું. સૌથી પહેલા વાત કરીએ LIC વિશે તો 6 મહિના પહેલા LICનો શેર માત્ર 655 રૂપિયા હતો, જે હવે 1029 રૂપિયા પર પહોંચી ગયો છે. એટલે કે 6 મહિનામાં 57 ટકાનું જંગી વળતર મળ્યું છે.
બીજી કંપની હિન્દુસ્તાન એરોનોટિક્સ લિમિટેડ હતી. આ કંપનીએ છેલ્લા 6 મહિનામાં રોકાણકારોને 56.37 ટકાનું મજબૂત વળતર પણ આપ્યું છે. છ મહિના પહેલા આ સરકારી કંપનીના શેરની કિંમત 1876 રૂપિયાની આસપાસ હતી, જે હવે વધીને 2933 રૂપિયા થઈ ગઈ છે. આનો અર્થ એ થયો કે રોકાણકારોને એક શેરમાંથી રૂ. 1000થી વધુનો નફો થયો છે. આવી સ્થિતિમાં આ શેરમાં લાખો રૂપિયાનું રોકાણ કરનાર રોકાણકાર આજે અમીર બની ગયા છે.
LIC અને HAL સિવાય એક-બે નહીં પરંતુ લગભગ 56 એવી સરકારી કંપનીઓ છે, જેમાં છેલ્લા 6 મહિનામાં 66 ટકાનો વધારો થયો છે. આ સમયગાળા દરમિયાન રોકાણકારોએ આ શેરોમાંથી રૂ. 23.7 લાખ કરોડનો જંગી નફો મેળવ્યો છે. આ સમયગાળા દરમિયાન NBCC જેવા શેરોએ પણ રોકાણકારોને સમૃદ્ધ બનાવ્યા છે.
NBCC જેવા શેરોએ પણ આ સમયગાળા દરમિયાન રોકાણકારોને 232 ટકાનું મજબૂત વળતર આપ્યું છે. છ મહિના પહેલા આ શેરની કિંમત માત્ર 48 રૂપિયા હતી. જે 160 રૂપિયાને પાર કરી ગયો છે. આ સિવાય જે કંપનીઓએ રોકાણકારોને અમીર બનાવ્યા છે. તેમની એક લાંબી યાદી છે. તેમાં આઈસી, રેલ વિકાસ નિગમ, MMTC, NDMC, સેન્ટ્રલ બેંક, UCO બેંક, IRCON, NHPC સહિત 56 કંપનીઓનો સમાવેશ થાય છે.
