કોમર્શિયલ ગેસ સિલિન્ડર 70 રૂપિયા સસ્તો થયો…ઘરેલુ ગેસમાં કોઇ રાહત નહીં..

લોકસભા ચૂંટણી 2024ના છેલ્લા તબક્કા માટે આજે 1લી મેના રોજથી દેશમાં છેલ્લાં તબક્કાનું મતદાન થઈ રહ્યું છે. આ એક્ઝિટ પોલના લગભગ 12 કલાક પહેલા દેશમાં ગેસ સિલિન્ડરની કિંમતો અપડેટ કરવામાં આવી છે. દેશની ઓઈલ કંપનીઓએ સતત ત્રીજા મહિને કોમર્શિયલ ગેસ સિલિન્ડરના ભાવમાં ઘટાડો કર્યો છે.

આ ત્રણ મહિનામાં દેશના ચારેય મહાનગરોમાં કોમર્શિયલ ગેસ સિલિન્ડર 119 રૂપિયાથી 124 રૂપિયા સસ્તો થયો છે. જો જૂન મહિનાની વાત કરીએ તો ભાવ 70 રૂપિયાથી 72 રૂપિયા ઓછા થયા છે.

IOCL તરફથી પ્રાપ્ત માહિતી અનુસાર દેશના ચારેય મહાનગરોમાં કોમર્શિયલ ગેસ સિલિન્ડરની કિંમતમાં ઘટાડો જોવા મળ્યો છે. દેશની રાજધાની દિલ્હી અને મુંબઈમાં કોમર્શિયલ ગેસ સિલિન્ડર 69.5 રૂપિયા સસ્તો થયો છે. જે બાદ બંને મહાનગરોમાં કોમર્શિયલ ગેસ સિલિન્ડરની કિંમત અનુક્રમે 1676 રૂપિયા અને 1629 રૂપિયા થઈ ગઈ છે. બીજી તરફ, કોલકાતામાં મહત્તમ 72 રૂપિયાનો ઘટાડો થયો છે. જેના કારણે ભાવ 1787 રૂપિયા સુધી પહોંચી ગયા છે. દક્ષિણ ભારતના સૌથી મહત્વપૂર્ણ મહાનગર ચેન્નાઈમાં કોમર્શિયલ ગેસ સિલિન્ડરની કિંમતમાં 70.5નો ઘટાડો થયો છે અને કિંમત ઘટીને 1840.50 રૂપિયા થઈ ગઈ છે.

કોમર્શિયલ ગેસ સિલિન્ડર સતત ત્રીજી વખત સસ્તા થયા છે. જો ડેટાનું માનીએ તો દેશની રાજધાની દિલ્હીમાં કિંમતોમાં 119 રૂપિયાનો ઘટાડો થયો છે. કોલકાતામાં સૌથી વધુ 124 રૂપિયાનો ઘટાડો જોવા મળ્યો છે. બીજી તરફ મુંબઈ અને ચેન્નાઈમાં સમાન ઘટાડો જોવા મળ્યો છે. બંને મહાનગરોમાં કોમર્શિયલ ગેસ સિલિન્ડરની કિંમતમાં 100 રૂપિયા કરતા વધુ એટલેકે 120 રૂપિયાનો ફેરફાર થયો છે.

સૌથી મોટો સવાલ એ છે કે શું ઘરેલુ ગેસ સિલિન્ડર સસ્તા થયા છે? આ પ્રશ્નનો જવાબ ના છે. આનો અર્થ એ નથી કે ઘરેલુ ગેસ સિલિન્ડરના ભાવમાં વધારો થયો છે. પરંતુ 9 માર્ચ બાદથી કોઈપણ મહિનામાં ઘરેલુ ગેસ સિલિન્ડરની કિંમતમાં કોઈ ફેરફાર થયો નથી.

ઘરેલું ગેસ સિલિન્ડરના ભાવમાં છેલ્લો ફેરફાર 9 માર્ચે જોવા મળ્યો હતો. તે એલપીજીના ભાવમાં 100 રૂપિયાનો ઘટાડો થયો હતો. જે બાદ દેશની રાજધાની દિલ્હીમાં ઘરેલુ ગેસ સિલિન્ડરની કિંમત 803 રૂપિયા થઈ ગઈ હતી જે આજે પણ યથાવત છે. મુંબઈમાં ઘરેલું ગેસ સિલિન્ડરની કિંમત 829 રૂપિયા, મુંબઈમાં 802.50 રૂપિયા અને ચેન્નાઈમાં ઘરેલુ ગેસ સિલિન્ડરની કિંમત 818.50 રૂપિયા છે.