દિલ્હીના મુખ્યમંત્રી અરવિંદ કેજરીવાલને આગામી 15 દિવસ સુધી જેલમાં રહેવું પડશે. ઈડીએ અરવિંદ કેજરીવાલને 15 દિવસની જ્યુડિશિયલ કસ્ટડીમાં મોકલવાની માંગ કરી છે. જેના પર કોર્ટે મંજૂરી આપી દીધી છે. મળતી માહિતી મુજબ કેજરિવાલને આ દરમિયાન તિહાડ જેલ મોકલવામાં આવશે.કોર્ટમાં હાજરી આપવા જતા અરવિંદ કેજરીવાલે કહ્યું કે વડાપ્રધાન જે પણ કરી રહ્યા છે તે દેશ માટે સારું નથી કેજરીવાલે તિહાડ જેલમાં લઈ જવા માટે 3 પુસ્તની માંગ કરી છે જેમાં રામાયણ અને ભગવત ગીતા છે આ સાથે બીજી એક પુસ્તક પણ જેલમાં વાંચવા માટે માંગી છે.
આમ આદમી પાર્ટીના રાષ્ટ્રીય કન્વીનરને આજે તેમની ED કસ્ટડીની મુદત પૂરી થતાં કોર્ટમાં રજૂ કરવામાં આવ્યા હતા. કેજરીવાલની પત્ની સુનીતા કેજરીવાલ પણ કોર્ટમાં હાજર હતી. કેજરીવાલની 21 માર્ચે કથિત દારૂ કૌભાંડ સંબંધિત મની લોન્ડરિંગ કેસમાં ધરપકડ કરવામાં આવી હતી.EDએ સ્પેશિયલ જજ કાવેરી બાવેજાની કોર્ટમાં કેજરીવાલને ED કસ્ટડીમાં મોકલવા અપીલ કરી હતી.
EDએ કેજરીવાલના રિમાન્ડ વધારવાની માંગ કરી નથી. EDએ કોર્ટ સમક્ષ એમ પણ કહ્યું કે, કેજરીવાલ તપાસમાં સહકાર નથી આપી રહ્યા. તે પોતાના મોબાઈલનો પાસવર્ડ આપી રહ્યા નથી. તેના દ્વારા ચકાસાયેલ દસ્તાવેજો મેળવ્યા. તે જાણી જોઈને ગેરમાર્ગે દોરે છે અને અસ્પષ્ટ જવાબો આપે છે. EDએ જણાવ્યું હતું કે કેજરીવાલને હાલ પૂરતો ન્યાયિક કસ્ટડીમાં રાખવામાં આવે અને જ્યારે ફરી જરૂર પડશે ત્યારે તેમના રિમાન્ડની માંગણી કરવામાં આવશે.
અરવિંદ કેજરીવાલે લગભગ 10 દિવસ EDની કસ્ટડીમાં વિતાવ્યા છે. સૂત્રોના જણાવ્યા અનુસાર, તેની દરરોજ 5 કલાકથી વધુ પૂછપરછ કરવામાં આવી છે. તદનુસાર, તેણે EDના પ્રશ્નોનો સામનો કરવામાં 50 કલાકથી વધુ સમય પસાર કર્યો છે. કેજરીવાલને કથિત દારૂ કૌભાંડ સાથે જોડાયેલા સેંકડો પ્રશ્નો પૂછવામાં આવ્યા છે. જો કે, EDએ 28 માર્ચે કોર્ટમાં દાવો કર્યો હતો કે કેજરીવાલ તપાસમાં સહકાર આપી રહ્યા નથી.
અરવિંદ કેજરીવાલની ધરપકડ સમયે તેમના ફોન અને અન્ય ડિજિટલ ઉપકરણો પણ જપ્ત કરવામાં આવ્યા હતા. EDએ કોર્ટને કહ્યું હતું કે કેજરીવાલ પોતાનો પાસવર્ડ નથી જણાવી રહ્યા. જો કે, EDએ તેમની પત્ની સુનીતા કેજરીવાલના ફોનની ઍક્સેસ મેળવી હતી અને તેનો ડેટા કાઢવામાં આવ્યો હતો. એક મીડિયા રિપોર્ટમાં કહેવામાં આવ્યું છે કે EDએ કેજરીવાલના આઈફોનનો એક્સેસ મેળવવા માટે એપલનો સંપર્ક કર્યો છે. સૂત્રોના જણાવ્યા અનુસાર કેજરીવાલે પાસવર્ડ આપવાનો ઈન્કાર કરી દીધો છે કે તેમના ફોનમાં ચૂંટણી સંબંધિત ડેટા છે.
PMLA કેસમાં આમ આદમી પાર્ટીના ઘણા નેતાઓ જેલમાં ગયા છે જેમાં ઈડીએ અરવિંદ કેજરીવાલની ધરપકડ કરી છે. પૂર્વ નાયબ મુખ્યમંત્રી મનીષ સિસોદિયા, જે કેજરીવાલના જમણા હાથના માણસ કહેવાય છે, લગભગ એક વર્ષથી તિહાર જેલમાં બંધ છે.
