પ્રિયંકાનો ઘરવાળો માંદો પડ્યો…વાઇરસની ઝપટમાં આવી ગયો…

હાલમાં સમગ્ર વિશ્વ જળ વાયુ પરિવર્તનને કારણે  અનેક મુશ્કેલીઓનો સામનો કરી રહી છે . રોજ  અવનવા વાઇરસનો ફેલાવો થઈ રહ્યો છે. જેમાં હાલમાં મેક્સિકોમાં .ઈન્ફલ્યુએન્ઝા-A વાઇરસ ખૂબ ઝડપથી ફેલાઈ રહ્યો છે, આ વાઇરસની ચપેટમાં નિક જોનાસ પણ આવી ગયા છે. જેની માહિતી ખૂદ તેમણે આપી હતી.

વધુ વિગતોમાં નિક જોનસે ઈન્સ્ટાગ્રામ પર એક વીડિયો શેર કર્યો છે, જેમાં તમામ કોન્સર્ટ મોકૂફ રાખવા બદલ તેના ચાહકોની માફી માંગતો જોવા મળે છે. નિક જોનસે વીડિયોમાં જોનાસ બ્રધર્સની કોન્સર્ટ ટૂર સ્થગિત કરવાનું કારણ પણ જણાવ્યું છે. સિંગરે કહ્યું કે તે એક ખતરનાક વાયરસની ઝપેટમાં આવી ગયો છે.

પ્રિયંકા ચોપરાના પતિ નિક જોનસ તેના બેન્ડ સાથે મેક્સિકોના અલગ-અલગ શહેરોમાં પરફોર્મ કરવાના હતા. પરંતુ ગાયકે તેના આગામી તમામ શો કેન્સલ કરી દીધા છે. નિકે શો કેન્સલ થવા પાછળનું કારણ સમજાવતો એક વીડિયો શેર કર્યો છે. તેણે પોતાના વીડિયોમાં જણાવ્યું કે તેને ઈન્ફલ્યુએન્ઝા-એથી ચેપ લાગ્યો છે. આ વાયરસના કારણે તેના નાક અને અવાજ પર પ્રતિકૂળ અસર થઈ છે જેના કારણે તે પરફોર્મ કરી શકતો નથી.

નિક જોનસ તેના વીડિયોમાં કહે છે, ‘હાય મિત્રો. હું ઈન્ફલ્યુએન્ઝા-A ના ભયંકર રોગ સામે લડી રહ્યો છું. આ વાયરસ ખૂબ ફેલાઈ રહ્યો છે અને હું અત્યારે ગાવા માટે સક્ષમ નથી. અમે હંમેશા તમને લોકોને શ્રેષ્ઠ શો આપવા માટે સક્ષમ બનવા માગીએ છીએ અને હું અત્યારે મેક્સિકોમાં આ શો માટે તે કરી શકું તેવી સ્થિતિમાં નથી.ઈન્ફલ્યુએન્ઝા-A એક પ્રકારનો વાયરસ છે જે પક્ષીઓ અને માણસોમાં ફેલાય છે.

આ સામાન્ય શરદી અને ઉધરસનું ખતરનાક સ્વરૂપ છે જે આંખો, નાક અને ગળાને સીધી અસર કરે છે. શ્વાસ લેવામાં તકલીફ થાય છે. આ વાયરસની ગંભીરતાનો અંદાજ એ હકીકત પરથી લગાવી શકાય છે કે તે કોવિડ-19નું કારણ બને છે. આ વાયરસના લક્ષણોમાં તાવ, શરદી, માથાનો દુખાવો, સ્નાયુઓમાં દુખાવો, થાક, છીંક આવવી, વહેતું નાક, ગળું, ખાંસી અને શ્વાસ લેવામાં તકલીફ છે. મેક્સિકોમાં આ વાયરસ ઝડપથી ફેલાઈ રહ્યો છે.