નવા વર્ષના નવા વર્ષથી બદલાઇ રહ્યાં છે નિયમો-જોગવાઇઓ…જાણો…..

2024નું વર્ષ આજથી શરૂ થયું છે. નવા વર્ષની શરૂઆત સાથે ઘણા મોટા ફેરફારો થવાની સંભાવનાઓ સેવાઇ રહી છે, જેની સીધી અસર સામાન્ય લોકોના ખિસ્સા પર થશે. જેમાં ગેસ સિલિન્ડરના ભાવથી લઈને આવકવેરા ફાઇલના નિયમો ,સીમ કાર્ડ, ઈમેલ એકાઉન્ટ ,લૉકર કરાર થી લઈ ને કાર ખરીદી જેવી અનેક વસ્તુઓ કે જેના નિયમોમાં આજથી ફેરફાર થઈ રહ્યો છે.

જેની વિગતો આ મુજબ છે…..

1 જાન્યુઆરી 2024થી, સિમ કાર્ડ્સ ખરીદવા અને રાખવાના નિયમમાં મોટો ફેરફાર થશે. હવે સિમ કાર્ડ ખરીદવા પર ફક્ત ડિજિટલ કેવાયસી હશે. અગાઉ, દસ્તાવેજોની ફિઝિકલ વેરિફિકેશન કરવામાં આવતું હતું.

નેશનલ પેમેન્ટ કોર્પોરેશન ઓફ ઈન્ડિયા એટલે કે એનપીસીઆઈએ નવા વર્ષથી નવી નીતિ લાગુ કરી રહી છે. આ હેઠળ એક અથવા વધુ વર્ષો માટે ઈનએક્ટિવ યુપીઆઈ આઈડી બંધ કરવામાં આવશે.

આઇઓસીએલએ દેશના લોકોને 2024ના વર્ષ ભેટ આપી છે. 19 કિલો ગેસ સિલિન્ડરોના ભાવમાં એક મહિનામાં બીજી વખત ઘટાડો જોવા મળ્યો છે. ભાવમાં થોડો ઘટાડો થયો છે. જો તમે આખા મહિના માટે તેની ગણતરી કરો છો, તો પછી કિંમત 39 રૂપિયાથી લઈને 44 રૂપિયા સુધી ઘટી છે.

માર્કેટ રેગ્યુલેટર સેબીએ મ્યુચ્યુઅલ ફંડ્સ અને ડીમેટ એકાઉન્ટ્સમાં નોમિનેશનની છેલ્લી તારીખ લંબાવી છે. પ્રથમ નોમિનીને બતાવવાની છેલ્લી તારીખ 31 ડિસેમ્બર હતી. હવે 6 મહિના વધુ સમય આપવામાં આવ્યો છે. હવે નોમિની માટેની છેલ્લી તારીખ 30 જૂન, 2024 કરવામાં આવી છે.

જો તમે 1-2 વર્ષથી તમારા જીમેઈલ એકાઉન્ટનો ઉપયોગ કર્યો નથી, તો તમારું ગુગલ જીમેઈલ એકાઉન્ટ બંધ થઈ શકે છે. ગૂગલનો આ નિયમ ફક્ત પર્સનલ અકાઉન્ટ પર રહેશે. આ નિયમ બિઝનેસ એકાઉન્ટ્સ પર લાગુ થશે નહીં.

આકારણી વર્ષ 2022-23 માટે આઇટીઆર ફાઇલ કરવાની છેલ્લી તારીખ 31 ડિસેમ્બરના રોજ સમાપ્ત થઈ છે. આ પછી, તમને આ વર્ષ માટે આઇટીઆર ફાઇલ કરવાની તક મળશે નહીં.

આજે બેંકના નવા લોકર કરાર પર હસ્તાક્ષર કરવાની અંતિમ તારીખ સમાપ્ત થઈ રહી છે. આ પછી, જ્યાં સુધી તમે નવા લોકર કરાર પર હસ્તાક્ષર ન કરો ત્યાં સુધી તમને લોકર ઓપરેટ કરવાની સુવિધા મળશે નહીં.

આજે એટલે કે 1 જાન્યુઆરીથી, મારુતિ સુઝુકી, મહિન્દ્રા અને ઓડી જેવી ઘણી કંપનીઓની કાર મોંઘી થઈ રહી છે. વાહનોના ભાવમાં 2-3 ટકાનો વધારો થઈ રહ્યો છે.